Lýsing
Lýsing
Lýsing

Styttri arbeiðsviku ella torvmold í eyguni

SKRIVAÐ: Grímur Sundstein  |  23.11.2022 - 09:49 Politikkur Tíðindaskriv

 

Javnaðarflokkurin hevur hildið nógvan gang nýliga um teirra ætlan at stytta arbeiðsvikuna niður úr 40 niður í 37 tímar.

Spurningurin er so, um Javnaðarflokkurin ikki veit, at føroyska arbeiðsvikan longu er uml. 37 timar.... ella um teir vita tað og vilja blaka torvmold í eyguni á veljarunum við hesum glantrileiki.

Onkur kammaratur í sokallaða arbeiðaraflokkinum, við so tøttum samskifti við fakfeløg mátti kunnu sagt sínum politisku fylgisveinum á Løgtingi, at okkara tímaløn nú við matsteðgum er effinett líka long ella stutt sum hin danska, nevniliga 37 tímar pluss ella minus nakrar minuttir.

Tað mátti verið frægari evni í Føroya (næst)størsta flokki enn at billa løntakarum inn, at vikutímatalið skal niður á danskt støði.

Men ‘går den, så går den’...inntil Føroya Arbeiðsgevafelagið rættar Aksel og konsortium um 37 tíma vikuna, flóvisligt!. Føroyskir løntakarar arbeiða longu 37 tímar (punktum).

Men kanska er endamálið hjá sosialistunum at tøla atkvøður við at lova stytri arbeiðsviku við følskum argumentum.

Um endamálið er at máa støðið undan arbeiðsmoralinum í einum landi, hygg so bara at USA.

‘Bláir’ (sosialistiskt stýrdir) statir (California fúlast) undir koronu oystu starvsfólk undir í læntum almennum pengum, so tað loysti seg nógv betur at liva av sosialhjálp enn av arbeiði.

Teir misbrúktu harraboð um avbyrging og koyrdu túsundtals smærri virki, handlar, matstovur og familjufyritøkur á heysin við vanlukku fylgjum fyri bæði eigararnar og teirra familjur.

Tann trupulleikin heldur fram, og talið á fólki til arbeiðis er minkað við miljónum av fólkum. Luttøkan á arbeiðsmarknaðinum nærkast 60% undir Biden, meðan føroyska luttøkan til samanberingar er 90% av øllum fólki 18-67 ára aldur.

Harafturat arbeiða 53% av føroyskum pensjonistum millum 67 og 75 ára aldur.

Fólkaflokkurin ætlar at økja hetta talið við at hækka loyvdu inntøku áðrenn skatt oman á pensjónina, um vit koma í landstýrið.

Annað dømi um undirgraving er í t.d. Italia, har vinstravendar stjórnir hava forkelað fólk í áratíggju, og bera italienar nú orð fyri at vera tað fólkaslag í Evropa, sum ‘skulkar’ mest frá arbeiði.

Hvat hugsar Javnaðarflokkurin fyri sær, at Føroyar skulu hava enn styttri arbeiðsviku við 1% arbeiðsloysi?

Um vit stytta arbeiðsvikuna við 7,5%, noyðast vit at innflyta enn fleiri útlendsk arbeiðsfólk úr 3-heims londum.

Álvara tos, Aksel. Spegla tær heldur í Fólkaflokkinum, sum mælir fólki til at arbeiða harðari og longur við at lækka eitt nú skattafría botnmarkið ella skattatrýstið, so tað loysir seg betur at arbeiða enn nú.

Tað er vánaligur og árbygdarleysur fíggjarpolitikkur at bjóða fólki meiri í løn ella sosialum veitingum við aðrari hondini og so at stjala somu pengar aftur í skatti og avgjøldum við hinari.

Nei, so heldur

X við Fólkaflokkin.

Grímur Sundstein.

 

Lýsing
Seinastu tíðindini
Kavin hevur verið harður við haruna
Ragnar og Liz verða við á møtinum í Bete…
Sum smádrongur ræddist eg doktarabátin
Tvær kirkjur í Klaksvík
KÍ tapti í Gundadali
Hesir fiskaðu fyri mest í 5A í 2022
Myndarøð: KÍ kvinnur­nar vunnu stórt á 07…
Heim eftir Garðaveg­num í minninum
Verjir psykiatri­lógin veruliga?
Lea 34.31 og føroyskt met í 50 bringu
Eykaaðalfundur hjá Norðoya Bjargingarfel…
KÍ vitjar HB í morgin
Løgmaður Føroya og Ísrael
GLS 2023 - íblástur til leiðarar!
Býráðið vil tryggja gjaldførið
Veðrið um vikuskiftið
Fyrra steypakapping í estetiskum fimleik…
Poddvarp um sorg: Til tey, ið hava mist…
Holocaust minningarhald í Kelduni
Falkenberg sett upp á pláss – Javnaðarfl…