Lýsing
Lýsing
Lýsing

Mótrokningin og eldrapolitikkur

SKRIVAÐ: Bill Justinussen  |  24.11.2022 - 23:42 Tíðindi

 

Tá hendan samgongan tók við, var skipanin tann, at viðbótin til fólkapensjón varð lækkað við 60% av inntøkugrundarlagnum omanfyri kr. 61.900.

Hetta broytti samgongan millum Miðflokkin, Fólkaflokkin og Sambandsflokkin. Nú er mótrokningin soleiðis, at ein fólkapensjónistur altíð er eggjaður til at arbeiða uttan at drukna í skatti.

Men..

Tað er framvegis eitt haft um beinið hjá fólkapensjónistum, at mótroknað verður.

Tí fer Miðflokkurin at virka fyri beina burtur mótrokningina hjá pensjónistum, sum arbeiða.

Tá eg sigi pensjónistar, sum arbeiða, er tað tí, at tað eru nógvir pensjónistar, sum ikki arbeiða, men sum hava eina góða eftirløn afturat fólkapensjónini.

Í fyrstu syftu halda vit, at pensjónistar, sum hava arbeiðsinntøku, skulu sleppa undan mótrokningini. Orsøkirnar eru tvinnar:

·      Pensjónistar, sum arbeiða, gera tað í flestu førum av fíggjarligum orsøkum. Teir hava ikki nóg høga eftirløn við sær inn í pensjónstilveruna og velja tí at arbeiða fyri at hava nóg mikið.

·      Føroyski arbeiðsmarknaðurin spyr eftir arbeiðsmegi. Vit hava seinastu árini innflutt stórt tal av útlendskari arbeiðsmegi. Um pensjónistar hava størri fíggjarliga tileggjan at arbeiða, kann í fleiri førum sleppast undan at innflyta útlendsk arbeiðsfólk.

 

Miðallivialdurin hækkar. Føroyingar hava ein tann hægsta miðallivialdurin í heiminum. Av tí sama eru pensjónistar væl førir fyri at arbeiða nøkur ár sum pensjónistar. Og nógv ynskja tað.

Miðflokkurin vil tillaga eldralóggávuna eftir tørvinum hjá okkara eldru.

Við Miðflokkinum veitst tú, hvat tú fært.

Vel Miðflokkin á løgtingsvalinum 8. desembur

 

Bill Justinussen, valevni fyri Miðflokkin

Lýsing
Seinastu tíðindini
Ein miðbýur í rúkandi menning
Fleiri íbúðir ávegis í Klaksvík
Søgan um Merle Haggard (7:9)
Søkt verður eftir tveimum starvs­fólkum t…
Gøtan út á Nes liðug
Annika Lindenskov vald í altjóða oyggjal…
Brot frá 2-1 sigrinum í Finlandi
Mjølnir aftur til Hollands
Badminton vann silvur í liðkapping­ini
Runnu seg til fleiri heiðursmekir
Thorvald: Hesum vilja vit helst møta
Borgar­stjóraheilsan: Her er gott at vera
Fuglalív í Haraldssundi
Stevna hjá Jehova vitnum
Stenberg hitt Zelenskyy í Kyiv
KÍ v SJK: Ung og eldri farin í sving
Azamara Quest á Norð­havn­ina
Lutakastið til Challenge Cup í morgin
RSP á Norð Festivali­num 30. aug!
Bjóða nú campingvog­num á Summar Festival