Í meira enn tveir dagar, 29. og 30 november hevur skúlin á Fossanesi í Hvannasundi verið karmur um skeiði í stýring av størri vanlukkustøðum.

Endamálið við venjingini  var at fyrireika luttakararnar á skeiðnum at blíva enn betur at taka hond um vanlukkustøður, sum tey kunnu hitta í arbeiðinum, eitt nú ferðsluvanlukkur, vanlukkur á sjónum, í fjøllunum ella tá skaðar henda tá stormar leika um land, firðir og sund. Á skeiðinum skuldu luttakararnir venja hvussu teir best kundu tryggja viðkvom øki í samfelagnum í samstarvi við aðrar luttakarar í ymiskum øðrum samfelagseindum.

Hugtakið á skeiðnum var ein hørð ódn, sum millum annað hevði gjørt skaða á nógv hús í Hvannasundi. Eisini var eitt ferðamannaskip komið í havsneyð og neyðugt var at taka fólkini av skipinum. Eitt omanlop hevði eisini stongt vegin ímillum Klaksvík og Hvannasund.

Venjingin var gjørd sum ein eftirgjørd støða fyri luttakararnar, tað vil siga at venjingin fór fram á skúlanum í Hvannasundi, har omanlop og tað ódnin hevði oyðilagt bleiv víst fyri luttakarunum á einum stórum korti. Síðani skuldu luttakararnir vísa hvat teir vildu gjørt í eini slíkari støvu og venja at samstarva við hvønn annan, bæði innan egið lið og eisini við aðrar deildir og lið í samfelangum.

Í eini eftirgjørdari støðu og venjing er nýtslan av útgerð ikki í fokus, men í staðin at venja ætlanir, taka til sín nýggja vitan og samarbeiðið við ymsu deildirnar. Luttakararnir blivu vandir í stýring í kreppustøðu, at samskipa samstarv við hvønn annan. Eisini skuldu teir greiða frá hví teir hava tikið ávísar støður í vandamiklum samanhangi í bjargingararbeiðinum.

Luttakarar á skeiðnum komu úr Politinum, bjargingarfeløgunum, (Fuglafjarðar Sløkkilið, Skálafjarðar Sløkklið) og  Sløkkiliðið  í Eysturkommunu, Komunur (Viðareiðis Kommunu, Klaksvíkar Kommunu,) Heilsuverkinum, (Klaksvíkar Sjúkrahúsi og Landssjúkrahúsinum,) Landsverk, Bakkafrost og MRCC.

Tað var Katastrofe & Risiko Management  útbúgvingin á Københavns professionshøjskole, sum í samarbeiði við tilbúgvingarleiðaranum Finn Hansen úr Klaksvíkar Sløkkiliði. Hetta er aðru ferð at skipað verður fyri slíkari venjing í Klaksvík