Veðrið í vikuni
Nú sæst stór broyting í veðrinum kring Føroyar. Eitt hátrýst hevur lagt seg yvir Ísland og Eysturgrønland, meðan eitt lágtrýst yvir Barentshavinum fer suðureftir, fram við Noregi.
Hetta hevur við sær, at køld luft av Norðpólinum fer at reka ímóti Føroyum. Tað fer at vera munandi kaldari her hjá okkum, og frá týsdegnum og fram ímóti vikuskiftinum kavaavfall.
Veðrið í vikuni - dag fyri dag:
Mánadag: Norðan allan dagin. Vindferðin um náttina og fyrrapartin 3 til 8 m/s, út á seinnapartin 5 til 10 m/s og so 8 til 13 m/s um kvøldið. Skýggjað um náttina og fyri tað mesta turt. Út á fyrrapartin og restina av degnum er klárari í erva, ádrigið ella smáskýggjað og turt og sólglottar.
Hitin mánadagin fer at liggja millum 4 til 7 stig, men niður í frostmarkið um náttina.
Týsdag: Norðan, 8 til 13 m/s, ádrigið og turt. Fyrrapartin og frameftir er minni vindur, 5 til 10 m/s, smáskýggjað og kavaælingar.
Hitin týsdagin fer at liggja um 1 og 4 stig. Um náttina niður í minus 2 stig.
Mikudag: Norðan, 8 til 13 m/s, skiftandi skýloft allan dagin við kavaælingi.
Hitin mikudagin fer at liggja úr frostmarkinum upp í 3 stig. Um náttina niður í minus 3 stig.
Hósdag: Norðan, 8 til 13 m/s, skiftandi skýloft allan dagin við kavaælingi.
Hitin hósdagin fer at liggja úr frostmarkinum upp í 4 stig. Um náttina niður í minus 3 stig.
Fríggjadag: Landnyrðingur, 8 til 13 m/s, skiftandi skýloft allan dagin og kavaælingur.
Hitin fríggjadagin fer at liggja millum 2 og 6 stig. Um náttina um frostmarkið.