Við 26 monnum fór Ernestine ein av fyrstu døgunum í mars 1930 yvir á Suðurlandið. 26. mars lógu teir avhálaðir og fiskaðu á Selvogsbankanum. Sum dagurin leið, vaks hann vindin, so teir máttu draga inn og leggja bakk. Um kvøldið sást ikki fram um sprytið fyri kavaroki, og skonnartin strandaði við Selvogsnes.

Í øllum briminum svam Ziska Jacobsen, Ziska av Fløttinum, í Klaksvík í land við einum enda, so at teir, ið enn vóru á lívi, sluppu í land, ein fyri og annar eftir. Havið tók átta av monnunum, men áðrenn vunnið varð upp hús, doyði 9. maðurin. 

Um sorgarleikin, sum tá fór fram, ber til at lesa í nýggju bókini “Av bekki á skipabunka.”