Lýsing
Lýsing
Lýsing
Mynd: Dávur Winther

 Kann Sambandsflokkurin seta sjálvstýri í verk?

SKRIVAÐ: Zakarias Wang  |  15.12.2022 - 23:49 Lesarabrøv Politikkur

Tað eru áhugaverd tíðindi at frætta frá samráðingunum um nýggja landsstýrið.

Hol varð sett á búldin tá Framsókn ikki hoknaði fyri kravinum frá Sambandsflokkinum um at eingin blokkniðurskurður skuldi verða. Tølini bara vuksu, og tá Framsókn kravdi 60 milliónir, segði Sambandsflokkurin ja til 40, og so slapp hann út í følvið at hugsa um hvussu tað var at sita uttan vald. Hetta dámdi honum ikki, og løtu eftir vóru teir fúsir til at ganga við til 60 milliónir, men tá var ov seint.

 


Tað áhugaverda er at eygleiða, at tá á stendur, er Sambandsflokkurin sum nú fúsur til at seta sjálvstýri í verk um so er, at hetta kann geva honum møguleika at stýra Føroyum.

 


Vit skulu minnast til, at tá Fríðrikur próstur gav flokkinum navn, valdi hann fornnorrøna orðið samband, sum er millum javnbjóðis partar. Hetta útilokar at flokkurin vil innlima okkum í Danmark. Fyri at styrkja støðu sína hevur flokkurin fingið danskar embætismenn at hjálpa sær, og tað hevur riggað higartil.

 


Men nú er tað hent, at vinnulívsmenninir í Føroyum hava fingið møguleika fyri at útvega váðafúsan útlendskan kapital. Hetta hava vinnulívsmenninir dugað so væl, at Føroyar klára seg betri enn Danmark. Danska uppíblandingin í okkara viðurskifti darvar okkum bara.

 


Tá vit nú síggja, at Sambandsflokkurin, tá á stendur, gongur við til at niðurlaða blokkin og harvið fáa okkum meir sjálvstýri, er spurningurin bara um hann ikki eins væl kann taka stigið og gerast ein veruligur sambandsflokkur, sum samstarvar við Danmark á jøvnum føti við tað at bæði londini hava sjálvstýri.

Zakarias Wang

Lýsing
Seinastu tíðindini
Hálvur klaksvík­ingur søkti KÍ
Nýtt forfólk í Pedagog­felagnum
Søren Pape Poulsen deyður
Lønin avgerandi fyri brúkiliga bjarginga…
Haakon Lunov: KÍ er liðugt at keypa inn
Upptakt: KÍ-HB
Uriah Heep kemur til Klaksvíkar
Kunningarstovan á ferð í Norð­oyggjum
Móttøka í Vágum fyri fyrsta føroyska far…
Á pall fyri fyrstu ferð
Opið hús á Tekniska skúla
Prógvhandan á Yrkisnámi
Veðrið um vikuskiftið
Aðalfundur Norðoya Fornminna­felag 2024
217 ára gomul føroysk kvinnu­troyggja fun…
Magne Hoseth: Tað kom sum eitt sjokk
Magne Hoseth fekk 50 dagar - uppsagdur
Samstarvsavtala millum Sunda kommunu og…
Hugnaløta í kirkju­kjallarinum
Bátafelagið á Torradøgunum