KÍ fær komandi dagarnar ein útlendskan leikara til royndarvenjing. Talan er um 28 ára gamla Luc Kassi, sum er miðvallarleikari, sum kann spæla sentralt og í vinstru síðu. Hann kemur úr Fílabeinsstrondini, men hevur norskt pass. Tey sum hava fylgt norskum fótbólti og Stabæk kenna hann, tí hann spældi við Stabæk í 10 ár, frá 2012 til 2022. Hann er skrásettur fyri 144 dystir í bestu norsku deildini, har hann skoraði 28 mál.

Síðstu dystirnir í bestu norsku deildini vóru í 2020. Síðani tá hava skaðar darvað honum nógv og hann spældi lítið og einki í 2021 og 2022. Hann spældi tveir dystir sum innskiftari á sumri í 2022 fyri Stabæk í næstbestu deildini.