KÍ spældi við blandaðum liði, har fleiri leikarar spældu við, ið til dagligt ikki eru partur av besta hópinum. KÍ skal spæla venjingardyst á Eiði aftur skjótt og tað var orsøkin. ÍF var verjukent frá byrjan, men sum fráleið komu fuglfirðingar betri við og teir størstu málmøguleikarnar í fyrra hálvleiki átti ÍF, men Markus O. Pettersen í KÍ-málinum bjargaði tríggjar ferðir, harav tann eina bjargingin var í serflokki.

Eitt mál kom í dystinum og tað skoraði KÍ móti endanum. Mads B. Mikkelsen sendi hornaspark innfyri, har Luc Kassi stýrdi bóltinum í málið.

KÍ-ÍF 1-0 (0-0)

1-0: Luc Kassi (Upplegg: Mads B. Mikkelsen)

KÍ (4-3-3): Markus O. Pettersen – Símin Kalsø, Heini Vatnsdal, Jákup N. Vilhelmsen, Rógvi Ey. Jacobsen – Dávid B. Andreasen, Luc Kassi, René S. Joensen - Silas Gaard, Jóhan Josephsen, Tóki á Lógv.

Í hálvleikinum og seinni komu hesir inn: Jákup B. Andreasen, Kristian Eliasen, Mads B. Mikkelsen, Patrick Da Silva, Páll A. Klettskarð, Steinbjørn Olsen og Ari M. Jacobsen á vøllin.