At klaksvíkingar framvegis sláa tónan ann, er Oddur Joensen gott dømi um. Klaksvíkin er helst best kend fyri sínar tónleikabólkar, sum hava verið størstir í landinum, men av og á kemur eisini ein talentfullur einstaklingur á pallin, og ein tílíkur við stjørnupotentiali er Oddur. 

Hóast soloavrik hevur Oddur fingið góða hjálp frá Vinjari Egilsnes Petersen og Theodor Kapnas í Studio Bloch; útgávan er mastrað av Georgios Nerantzis og listprýðingini hevur Bárður Dal Christiansen staðið fyri. Kristian Pauli Ellefsen, Hjørtur Pætursson Háberg og Sámal Johannesen hava verið við til at fyrireika, og steel-guitarin hjá Heðin Ziska Davidsen hoyrist eisini á nøkrum av løgunum. Men Oddur hevur sjálvur skrivað øll løgini og framleitt tey.

Ummælið í Stacja Islandia, ið er stak positivt, endar við orðunum “Oddur Joensen has great potential. I am looking forward to his next release. Thumbs up for him and his music.”, t.e. at ummælarin metir Odd hava sera góðar menningarmøguleikar, og at hann sær fram til næstu útgávu, meðan Oddur sjálvur og hansara tónleikur fær tumlar upp.

Ummælið kann lesast í fullari longd á enskum (ella polskum, um ein vil) og sangirnir kunnu hoyrast á:  http://www.stacjaislandia.pl/aktualnosci/muzyka/recenzje-albumow/oddur-joensen-eyes-wide-open-recenzja)