Óvanliga kalt í hesum døgum í óvanliga nógvar dagar. Kavin hevur ligið síðan 5. ella 6. desember í fjør, tó nakrir fáir dagar undantiknir.

Tað er ikki tað einasta, sum er óvanligt í hesum døgum. Í dag hevur eitt veikt lágtrýst staðið eystan fyri Føroyar. Tað er ikki so óvanligt, men eitt brúgvalag higani hevur stungið seg úr miðjuni av hesum lágtrýsti vestureftir.

Tað er ikki vanligt. Tey plaga at fara suðureftir ella eystureftir.

Tað hevur havt við sær, at køld luft er komin norðaneftir ímóti Føroyum. Hitin (ella kuldin) í henni liggur um 2-3 kuldastig. Hon trýstir luftina við Føroyar burtur, og tann luftin var eitt sindur heitari, um 2-3 hitastig.

Tann heitara luftin er køld niður um døggpunktið, og tað er undir frostmarkinum. Tí hevur kavað í 2 tímar ella so seint seinnapartin. Brúgvalagið gongur suðureftir, seinni er tað sunnan fyri Føroyar. 

Sambært veðurkortunum, so kavar ikki meira av týdningi í kvøld ella í nátt - tó at onkurt ælið kann vera í støðum og nakað av jarðroki.