Lýsing
Lýsing
Lýsing

Fleiri inntøkur og ferðafólk, men færri bilar

SKRIVAÐ: Vinnuhúsið  |  22.05.2023 - 14:33 Tíðindaskriv

Fleiri inntøkur og fleiri ferðafólk um flogvøllin, men færri nýggir bilar vórðu skrásettir fyrstu fýra mánaðirnar í ár samanborið við somu tíð í fjør

 

Væl hægri inntøkur og skattir higartil í ár

Fyrstu fýra mánaðirnar í ár vóru fluttar góða 4,5 mia. kr. í lønum, pensjónum og øðrum veitingum umvegis føroysku a-skattaskipanina. Hetta vóru góð 5% meira enn enn somu tíð í 2022.

 

Av samlaðu lønunum og veitingunum á 4,5 mia. kr., vórðu goldnar góða 1,4 mia. kr. í inntøkuskatti. 673 mió. kr. til landið og 750 mió. kr. til kommunurnar.

 

Samlaði inntøkuskatturin til land og kommunur var 6,3% hægri fyrstu fýra mánaðirnar í ár samanborið við somu tíð í 2022.

 

Ferðafólkatalið um flogvøllin næstan komið uppaftur á metárið 2019

Fyrstu fýra mánaðirnar í ár fóru 101.723 ferðafólk um flogvøllin í Vágunum. Hetta er umleið 19% fleiri enn somu tíð í fjør, tá ið tað fóru 85.811 ferðafólk um flogvøllin. Ferðafólkatalið um flogvøllin er sostatt komið upp á nærum sama ferðafólkatalið, sum metárið 2019, tá ið tað fóru 102.882 ferðafólk um Vága Floghavn fyrstu fýra mánaðirnar av árinum.

 

Nógv færri nýggir persónbilar skrásettir higartil í ár

Skrásetingin av nýggjum persónbilum er nógv lækkað seinastu tíðina. Fyrstu fýra mánaðirnar í ár vórðu skrásettir 534 nýggir persónbilar á Akstovuni. Hetta er nakað lægri enn um somu tíð í 2015, tá ið tað vórðu skrásettir 564 nýggir persónbilar. Skrásetingin av nýggjum bilum minkaði nógv meðan koronasmittan gjørdi um seg, men kom síðan nakað uppaftur, og er nú minkað aftur.

Lýsing
Seinastu tíðindini
Ferðalag úr Lettlandi vitjaði Klaksvíkar…
Stangavegu­rin letur upp aftur
Kollafjarðar­tunnilin stongdur eina løtu
Vitlíki sum virkisstuðul í fíggjardeildu…
Leiðarin á Skálagarði frítstillað
Atlantis: Konsert við Jens Marna Hansen…
Megna Føroyar at vinna á Íslandi á heima…
Stuðuls­konsert, eydnuhjól og café
TARIRA enn eina frálíka konsert í Varpin…
Norð­oyastevnuteitið farið á flog
Tjóðlaða­rin úr Fuglafirði
Absalon Matras 80 ár
Mjølnir kvinnur umboða Føroyar
Juvel farin á trúboðaraferð til Grønland…
Lands­stýrið forðar fyri innovatión innan…
Skal samstarv millum almennar stovnar av…
Vinnulívs­fólk og eldsálir bygdu okkara l…
KÍ hongur í Víkingi og HB
Eg havi lært ongantíð at geva upp
Stóra tøkk til tykkum, sum hava latið MR…