Dystarveðrið KÍ – B36
Í dag hevur verið eitt fitt lot av vestri. Nógvir vindgarðar hava verið inn eftir vánni, serliga í morgun. Úti á Pollinum vóru nógvar glaður.
Tá ið vindurin var mestur tíðliga í morgun, var miðalvindferðin 10 til 15 m/s, onkra løtu upp í 18 m/s.
Skýloftið hevur verið eitt sindur skiftandi millum skýggjað og lættskýggjað, og tað hevur verið turt fyri tað mesta. Okkurt avfall hevur verið, men ikki tað stóra.
Vindur hevur verið minkandi síðan seint fyrrapartin.
Meðan dystur er í kvøld í Klaksvík, eru 8 til 13 m/s. Ættin er vestan. og tí fer hann at vera eitt sindur ójavnur. Hetta kann ávirka dystin onkra løtu, men vónandi ikki alt ov nógv. Lotið fer diagonalt eftir vøllinum – t.e. úr hornaflagginum við Atlantis og niðan í hornið, har enn einki skýli er.
Skiftandi skýloft og fyri tað mesta turt. Hitin fer at liggja um 9 stig.