Í viðtalu við Norðlýsið sigur Rói Clementsen, stjóri á KBI at Hans bað um arbeiði á KBI sum smádrongur og hevur verið har síðani. Hann mátti tó taka FHS í eitt ár, men tá arbeiddi Hans hjá KBI um kvøldarnar. 

Hjá okkum hava vit útlært sølufólk í handlinum og eisini skrivstovufólk á skrivstovu okkara, upplýsir Rói. Vit hava umhugsa at fingið ein lásasmið í læru, men enn væntar tann útbúgvingin í Føroyum. Vit keypti eina lásasmiðju herfyri, sigur Rói. 

Trupult at fáa lærlingar

Annars er tað trupult at fáa lærlingar í hesum døgum. Vit hava júst søkt eftir lærlingum og fingu ongan. Eg havi tosa við aðrar arbeiðsgevarar, ið hava søkt leingi, men tað gongur illa at finna lærlingar. Tað er einki arbeiðsloysi og tey ungu leypa útbúgvingina um og fara beint á arbeiðsmarknaðin við fullari løn. Men sjálvandi vendist gongdin og tá er ikki so smart at standa uttan útbúgving, sigur Rói.