Hópurin kemur til Slovakia í dag
Veðrið í Slovakia er sera gott, men hitin verður helst ikki so høgur, at hann kemur at darva okkara leikarum. Væntandi verður hitin um 22 stig, tá ið KÍ ferð á vøllin í morgin.
Í gjár møtti fyrstu partur av hópinum hjá KÍ í Bratislava. Tað vóru teir báðir Heni Vatnsdal og hjálparvenjarin Daniel Berg, og longu mánadagin var samskiparin av KÍ ferðini komin til Bratislava, fyri at tryggja sær, at allar fyrireikingarnar vóru tilreiðar til KÍ-hópin.
Í dag hevur KÍ fyrstu venjingina á vøllinum og í morgin skulu teir í eldin í fyrsta søguliga dysti í evropeiska bólkaspælinum.
Tað verður ómetaliga spennandi at fylgja teimum á hesi ferðini, sum uttan iva fer at verða hørð, men eisini spennandi og gevandi.
Dysturin hjá KÍ verður ikki vístur í Kringvarpinum á hesum sinni, men til ber at síggja dystin á TV2 Play.
Dysturin byrjar hóskvøldið kl. 20.00.