Í dag kann KÍ vinna sítt 21. meistaraheitið í bestu mansdeildini.

KÍ fær vitjan av ÍF, meðan B36 vitjar hjá Víkingi. Fær KÍ fleiri stig enn B36 í dag, so er KÍ FM-vinnari í dag.

Hjá KÍ er ivamál um Heina Vatnsdal og Sivert Gussiås, sum báðir dragast við skaðar. Hjá ÍF hava Jhon Mena, Dánjal á Lakjuni, Elias Lervig, Hans Jákup Lervig og Tóri N. Olsen leikbann umframt, at venjarin Aleksandar Jovevic hevur venjarabann.

Dysturin í Klaksvík byrjar kl. 15.00. Dómari verður Alex Troleis.