Í morgun hevur vindferðin ligið um 3 til 8 m/s av landnyrðingi, skýloftið hevur verið skiftandi, og okkurt ælið hevur verið kring oyggjarnar. Í ælunum hevur verið bæði regn og vátakavi ella kavi. Hitin liggur úr frostmarkinum upp í 3 stig.

Og soleiðis fer veðrið at vera allan dag. Einasta broyting er hitalagið, tað fer nøkur stig niðureftir í kvøld og í nátt, sum tað plagar. Fer at liggja um frostmarkið.

Vit kunnu vænta sama veður í morgin eisini, til nakað er ligið út á seinnapartin. Tá minkar vindurin niður í eitt lítið lot, minni enn 4 m/s. Hitin í morgin fer at liggja úr frostmarkinum og upp í 3 stig um dagin; um náttina um frostmarkið – t.e. 1 stig báðumegin við.

Sunnudagin heldur landnyrðingsveðrið fram. Ikki nógvur vindur, minni enn 5 m/s, í erva verður klárt ella smáskýggjað, og yvirhøvur turt. Hitin sunnudagin fer at liggja úr frostmarkinum og upp í eini 2 stig.

Gott vikuskifti.