Lýsing
Lýsing
Lýsing

Ójavnin veksur í stórum

SKRIVAÐ: Jørgen Niclasen, tingmaður fyri Fólkaflokkin  |  09.12.2023 - 15:53 Politikkur Tíðindaskriv

Sjúkrarøktarfrøðingur á endastigi fær góðar 3.700 kr meir um mánaðin, meðan BLF-ari fær góðar 6.500 kr meira um mánaðin.

 

 


Eftir nærum 7 vikur í verkfalli fingu sjúkrarøktarfrøðingar ein 3 ára sáttmála, sum gav 10,32% í lønarhækkan. 

Nú hava BLF (Búskapar- og Løgfrøðingafelagið) uttan stríð fingið lønarhækkan á 13,24% fyri sama tíðarskeið, umframt eftirløn á viðbøtur, td serfrøðingarviðbót. Fyri síðstnevndu er talan um nærum 15% í lønarhækkan.  

Setti fyrispurning í Løgtinginum í vikuni um landsstýriskvinnann kundi upplýsa, hvussu nógv hesar lønarhækkingar vóru í krónum fyri ymsu bólkarnar. 

Landsstýriskvinnan gav ilt av sær, men svaraði ikki einum av mínum 4 spurningum. 

Havi tí hugt eftir lønartalvum á heimasíðuni hjá lønardeildini. Út frá tí kann roknast, at sjúkrarøktarfrøðingur á endastigi fær góðar 3.700 kr í lønarhækkan í 3 ára sáttmálaskeiðnum. BLF-ari á endastigi fær í sama tíðarskeiðið góðar 6.500 kr meir um mánaðin. 

Tey vælløntu fáa eisini hægsta skattalættan. 

Hetta er ikki rímiligt og landsstýrið eigur beinanvegin at steðga við slíkum lønarhækkingum, sum økja um ójavnan í samfelagnum. 

Í hesum sambandi kann leggjast afturat, at Sirið Stenberg, landsstýriskvinna, boðar frá í tíðindaskrivi, at lógarásettað javningin av fólkapensjón og Samhaldsfasta ger, at pensjonistar fara at fáa millum 500 og 600 kr meir um mánaðin. 

Ójavnt verður býtt. 

Jørgen Niclasen, tingmaður Fólkaflokksins

Lýsing
Seinastu tíðindini
Hálvur klaksvík­ingur søkti KÍ
Nýtt forfólk í Pedagog­felagnum
Søren Pape Poulsen deyður
Lønin avgerandi fyri brúkiliga bjarginga…
Haakon Lunov: KÍ er liðugt at keypa inn
Upptakt: KÍ-HB
Uriah Heep kemur til Klaksvíkar
Kunningarstovan á ferð í Norð­oyggjum
Móttøka í Vágum fyri fyrsta føroyska far…
Á pall fyri fyrstu ferð
Opið hús á Tekniska skúla
Prógvhandan á Yrkisnámi
Veðrið um vikuskiftið
Aðalfundur Norðoya Fornminna­felag 2024
217 ára gomul føroysk kvinnu­troyggja fun…
Magne Hoseth: Tað kom sum eitt sjokk
Magne Hoseth fekk 50 dagar - uppsagdur
Samstarvsavtala millum Sunda kommunu og…
Hugnaløta í kirkju­kjallarinum
Bátafelagið á Torradøgunum