Veðrið fer tí at skifta frá køldum høgættarráki til slavna lágætt. Hitalagið fer at skifta frá tempraturum nær við frostmarkið í fyrru helvt av vikuni upp um 10 stig í seinnu helvt.

Lágtrýstini í seinnu helvt eryú djúp við nógvum vindi rundanum.   

Veðrið í vikuni – dag fyri dag:

Mánadagin: Lot til frískt lot sunnan, 3 til 8 m/s, smáskýggjað og yvirhøvur turt. Allan dagin. Hitin úr 4 til 9 stig.  

Týsdagin: Sama veður um náttina sum dagin fyri, mánadagin, tó okkurt ælið. Út á fyrrapartin fer hann í landnyrðing, tað dregur á luftina, og fer at regna, kanska er vátakavi uppií. Um kvøldið minkar vindurin niður í eitt lítið lot, minni enn 5 m/s, loftið verður smáskýggjað og okkurt ælið. Hitin týsdagin fer at liggja millum 3 og 9 stig.  

Mikudagin: Um náttina og út á fyrrapartin eitt lítið lot av ymsum ættum, minni enn 5 m/s, smáskýggjað og yvirhøvur turt. Um middagsleitið veksur vindurin upp í 5 til 10 m/s av suðuri, loftið eitt sindur meira grátt og tað verður ælaveður. Út á seinnapartin veksur vindurin, so á midnátt eru 13 til 18 m/s. Ættin enn sunnan. Saman við vindinum skulu vit vænta samdrigið loft og regn. Hitin mikudagin 4 til 9 stig.

Hósdagin: Um náttina regnar og fitt av vindi, 13 til 18 m/s av suðuri. Fyrrapartin støkkur hann vesturum til útsynning, vindurin minkar niður í 10 til 15 m/s, skýloftið skiftandi og ælaveður við regni ella vátakava. Og tað er so veðrið restina av degnum. Hitin hósdagin fer at liggja um 3 til 8 stig.  

Fríggjadagin: Fríggjanátt og -morgun framvegis 10 til 15 m/s av útsynningi, skiftandi skýloft og ælaveður. Seinnapartin er stytri millum ælini. Um kvøldið veksur vindurin upp í 15 til 20 m/s, tað verður samdrigið og regn. Hitin fríggjadagin 6 til 11 stig.