Lýsing
Lýsing
Lýsing
Einki serligt veður í kvøld til nýggjársbál og fýrverk. Vindurin fer at minka úr 15 til 20 m/s seinnapartin niður í 10 til 15 m/s í kvøld. Regn allan dag, tó ikki líka nógv í kvøld sum tað er nú. | Mynd: Finn Johannesen

Veðrið í dag og í kvøld

SKRIVAÐ: Hanus Kjølbro  |  31.12.2023 - 11:00 Tíðindi Veðrið

Illveður er kring alt landið. Brúgvalagið við nógvum regni legði seg yvir okkum fyrr í morgun, og tað verður eftir øllum at døma liggjandi soleiðis allan dag.

Tað gongur norðureftir, og í kvøld er tí eitt sindur minni vindur og regn.

Fylgissveinamynd klokkan 10.20 okkara tíð. Tað undir tí gráasta økinum er tað mesta regnið. Hetta regnøkið gongur norðureftir, men ikki serliga skjótt og liggur tí yvir okkum allan dag.

Tað er heilt hampuliga nógvur vindur í morgun, 15 til 20 m/s av landnyrðingi eystri. Hvirlurnar eru hálvaaðru ferð miðalvindin, upp í 30 m/s.

Tað er samdrigið og nógv avfall kring alt landið – fyri tað allarmesta regn, men tað kann vera vátakavi í støðum, sum liggja høgt. Hitin liggur úr frostmarkinum upp í  5 stig.

Í stuttum verður hetta veðrið í dag. Vindur og regn.

Onkur lítil broyting verður. Tá ið nakað er liðið út á seinnapartin, minkar vindurin eitt vet, niður í 13 til 18 m/s, og ættin gongur niður í eystan.

Í kvøld minkar vindurin niður í 10 til 15 m/s, og tað fer ikki at regna líka illa sum nú. Tað fer ikki at slíta í, men bara minni regn. Hitin fer nøkur stig uppeftir í dag, upp í 8 ella 9 stig.

Gott nýggjár.

Lýsing
Seinastu tíðindini
Ferðalag úr Lettlandi vitjaði Klaksvíkar…
Stangavegu­rin letur upp aftur
Kollafjarðar­tunnilin stongdur eina løtu
Vitlíki sum virkisstuðul í fíggjardeildu…
Leiðarin á Skálagarði frítstillað
Atlantis: Konsert við Jens Marna Hansen…
Megna Føroyar at vinna á Íslandi á heima…
Stuðuls­konsert, eydnuhjól og café
TARIRA enn eina frálíka konsert í Varpin…
Norð­oyastevnuteitið farið á flog
Tjóðlaða­rin úr Fuglafirði
Absalon Matras 80 ár
Mjølnir kvinnur umboða Føroyar
Juvel farin á trúboðaraferð til Grønland…
Lands­stýrið forðar fyri innovatión innan…
Skal samstarv millum almennar stovnar av…
Vinnulívs­fólk og eldsálir bygdu okkara l…
KÍ hongur í Víkingi og HB
Eg havi lært ongantíð at geva upp
Stóra tøkk til tykkum, sum hava latið MR…