Hann hevur nógv at gera við at taka telefonina, bæði í gjár og allan morgun. Men hann gav sær tíð at tosa.

Støðan er hon, at miðjan í lágtrýstinum er í løtuni statt einar 200 fjórðingar í landnyrðing úr Fugloynni. Økið við mesta vindinum er raka okkum vestaneftir. Vindurin er vaksin munandi seinastu løtuna, hann var annars minkaður nakað væl í ein tíma ella so her á Viðareiði. Men nú eru hvirlurnar komnar, og hann er farin upp í vestan.

Um 12 tíðina og 1 ella 2 tímar fram verður tað ringasta veðrið, soleiðis sum modellini rokna í løtuni. Vit kunnu rokna við miðalvindferð upp í 23 til 28 m/s – í løtum nakað meir, kanska meiri enn 30 m/s. Hvirlurnar tori eg ikki at seta tal á, men hálvaðru ferð miðalvindin er ikki óvanligt.

Hann endar við at siga, at vit skulu rokna við hesum ringa veðrinum til 14 tíðina. Hann hopar ikki, at tað verður drúgvari enn tað. Minkar tað áðrenn, skulu vit bara vera glað.