Í samband við havarí hjá Kambi í seinastu viku hevur Norðlýsið fingið fatur í altjóða hagtølum yvir yvirdekkaðar línubátar, sum eru soknir seinastu 40 árini. 

Norðlýsið hevur tosa við Marius Magnusson, fyrrverandi leiðara á Trygdarmiðstøðini í Klaksvík. Hann hevur í mong ár samstarva við Halvard Aasjord, sum í eitt mannaminni hevur arbeitt hjá granskingarstovninum Sintef. Sinteff fæst m.a. við gransking innan maritima økið, herundir trygd á sjónum. 

Halvard Aasjord hevur í sínum arbeiði savnað hagtøl av ymiskum slagi. Hann hevur m.a gjørt eina talvu, sum vísur hvat í yvirdekkaði línuskip seinastu 40 árini eru sokkin av. Í hagtølunum eru skip tikin við aðrastaðni enn úr Noregi og Føroyum. 

Sum talvan vísur eru 11 av 20 yvirdekkaðum línuskipum sokkin av borðfyllu seinastu 40 árini. Borðfylling merkir at skipið er sokkið av sjógvi, sum er komin inn í skipið.