Lýsing
Lýsing
Lýsing

Opið hús á Tekniska skúla

SKRIVAÐ: Jóhann Lützen  |  01.03.2024 - 14:34 Mentan Tíðindi

Leygardagin 2. mars frá klokkan 10 til 14 bjóðar TSK almenninginum at vitja skúlan. Tiltakið er serliga viðkomandi fyri komandi næmingar og teirra avvarðandi.

 

Tøknibreytin

Á Gymnasialu Tøknibreytini ber til at vitja verkstovurnar, har næmingarnir fara at vísa tað, sum tey hava arbeitt við hetta skúlaárið. Millum annað fara næmingarnir at gera sodavatn, at prenta 3D og at spæla við eld.

Í samskiftisstovuni fara næmingar at vísa appir, telduspøl og filmar, sum tey hava gjørt. Harumframt fara næmingarnir at selja passmyndir.

Tey sum hava luttikið í kappingini Ungt Virkið koma at leggja fram um teirra hugskot.

 

Heilsukafé

Eftir væleydnaðu heilsukaféina í síðstu viku er avgjørt at endurtaka tiltakið hetta vikuskiftið. Ítróttar- og heilsuleiðin fer saman við einum sjúkrarøktarfrøðingi frá Klaksvíkar Sjúkrahúsi at gera heilsukanningar. Dagurin verður skipaður soleiðis, at næmingarnir fáa undirvísing og vegleiðing frá sjúkrarøktarfrøðinginum, og so sleppa næmingarnir at royna seg.

Tey vitjandi kunnu kanna og máta blóðtrýst, puls, iltmetting, blóðsukur og lungnafunktión.

 

Yrkisnám

Kundi tú hugsa tær at farið í læru innan timbur, maskin ella el? So er møguleiki at síggja verkstøðini og kunna seg um útbúgving og lærutíð. Næmingarnir á deildunum hava verkliga undirvísing, so møguleiki er at heilsa upp á lærarar og næmingar.

 

Matvørudeildin

Á Matvørudeildini sleppa vitjandi at seta ein rætt saman og royna hann. Tað verður eisini skipað fyri pannukøkukapping, har kappast verður um, hvussu ofta tú klárar at venda eini pannukøku í luftini. Næmingarnir skipað eisini fyri eini Kahoot-quiz um mat.

 

Serbreytin

Á Serbreytini bjóða tey vaflur og kaffi. Tey fara eisini at skipa fyri eini kapping, har møguleiki er at vinna eitt páskaregg.

 

Komandi næmingar og avvarðandi hava eisini møguleika at síggja umstøðurnar á næmingaheiminum.

Lestrarvegleiðarar kunnu vegleiða um útbúgvingarnar á skúlanum.

Vælkomin á gátt leygardagin 2. mars frá klokkan 10 til 14.

Lýsing
Seinastu tíðindini
Listaframsýning við Heðin Kambsdal
Mjølnir enda á heimavølli í dag
Metingar um 6. umfar
- Vit eru svangir at svara aftur
Kanjon: Stoyptu 710 rúmmetrar uppá 14 tí…
Beinleiðs stroyming: Stór svimjistevna í…
Upptakt: KÍ-B68
Tessa á OY Voxbotn 2024
Elsebeth Mercedis: Vit eiga framhald­andi…
Heðin Mortensen stillar upp aftur
50 ár síðan Reyðu Khmerdrápini
Verja og visiónir
Eina stóð ph.d.-verjuna væl og virðiliga
Grant er í Klaksvík hvønn dag
Landið má leggja trýst á kommunur
Sáttmáli undirskrivaður um lækna­miðstøði…
Aðalfundur verið í Íverksetara­húsinum
Methøg søla av elorku og methøg framleið…
Virkið vár byrjar og endar við renning
33 nýggjar íbúðir á Argjum