Lýsing
Lýsing
Lýsing
Aksel V. Johannesen heilsar uppá Ursulu van der Leyen | Mynd: Sverri Egholm

Fjølmiðlar útihýstir – hevur Ursula nakað at fjala?

SKRIVAÐ: Jóhann Lützen  |  14.03.2024 - 11:56 Leiðarin Tíðindi

Ursula van der Leyen er í dag í Føroyum, men tað er stór synd at siga, at nevniverdur opinleiki er rundan um vitjanina. Hon hevur valt 2 tilvildarligar miðlar burtur úr føroyska miðlalandslagnum, og hóast valið ikki er upplagt, eru kortini ongar grundgevingar givnar fyri, hví hon einans vil tosa við teir báðar fjølmiðlarnar.

 

Norðlýsið kundi hugsað sær at sett forkvinnuni í ES-nevndini spurningarnar niðanfyri.

  • Fleiri meina, til dømis ein greining hjá Breugel, sum skrivað var um 1. mars í ár, at EU kann gera væl meira við at minka samhandilin við Russland. Hví er tað ikki gjørt, og eru ætlanir um at gera tað?
  • Samhandilin hjá onkrum ES-landi, til dømis Danmark, við grannalondini hjá Russlandi er eksploderaður síðani innrásina í Ukraina. Kann nøkur trygd veitast fyri, at hesar vørurnar ikki enda í Russlandi umvegis grannalondini og harvið undirminera saktiónirnar?
  • Hví verður bert latin upp ein skrivstova í Nuuk í Grønlandi, men ongin í Føroyum?
  • Kreftir í Danmark hava givið úttrykk fyri, at Føroyar skuldu fáa betri avtalur við ES at kompensera fyri minkandi handlinum við Russland. Onki er tó hent. Kann Miss van der Leyen nevna nakrar ítøkiligar batar í hesum sambandi?

Men sum sagt, so sleppa vit ikki at seta forkvinnuni í ES-nevndini nakran spurning. Vit hava til tíðir viðgjørt ES við einum kritiskum vinkli, og spurningurin er, um tað er orsøkin til, at vit ikki teljast millum tey útvaldu.

Teir báðir útvaldu føroysku miðlarnir sleppa heldur ikki at seta henni hesar spurningarnar, tí teir hava fingið at vita, at teir bara sleppa at seta 1 spurning í part. Ursula van der Leyen svarar bara trimum spurningum, og tann triði fer til danska miðilin TV2, sum eisini er útvaldur - margháttligt!

Eftir stendur, at opinleiki ikki er um ES-vitjanina í Føroyum. Hví man tað vera?

Lýsing
Seinastu tíðindini
Listaframsýning við Heðin Kambsdal
Mjølnir enda á heimavølli í dag
Metingar um 6. umfar
- Vit eru svangir at svara aftur
Kanjon: Stoyptu 710 rúmmetrar uppá 14 tí…
Beinleiðs stroyming: Stór svimjistevna í…
Upptakt: KÍ-B68
Tessa á OY Voxbotn 2024
Elsebeth Mercedis: Vit eiga framhald­andi…
Heðin Mortensen stillar upp aftur
50 ár síðan Reyðu Khmerdrápini
Verja og visiónir
Eina stóð ph.d.-verjuna væl og virðiliga
Grant er í Klaksvík hvønn dag
Landið má leggja trýst á kommunur
Sáttmáli undirskrivaður um lækna­miðstøði…
Aðalfundur verið í Íverksetara­húsinum
Methøg søla av elorku og methøg framleið…
Virkið vár byrjar og endar við renning
33 nýggjar íbúðir á Argjum