Lýsing
Lýsing
Lýsing

KJ hevur handað tvíkiljuna Skuda Sund ti nýggju eigararnar

SKRIVAÐ: Jóhann Lützen  |  08.05.2024 - 21:47 Myndarøð Tíðindi Vinna

Sólin skein oman og niðan í gjár, týsdagin 7. mei, nú enn ein máttmikil tvíkilja varð avhendað til eigara, prosjekterað og framleidd av KJ. Hesaferð varð hon veitt Cooke Aquaculture Scotland. Hetta er tvíkilja nummar 65, ið KJ hevur bygt.

 

Tvíkiljan fær navnið Skuda Sund, við heimstaði í Uyeasound í Hetlandi. Tvíkiljan er 18 metrar long og er hon níggju metrar breið.

Útgjørd við tveimum Palfinger Marine kranum, einum 65 tonsmetur og einum 33 tonsmetur. Tvíkiljan hevur hágóðsku navigatiónsútgerð frá eitt nú Olex, Furuno, Simrad og Garmin, og er hon sera framkomin og er útgjørd at klára allar uppgávur, hon kemur at møta á síni leið. Hon er harafturat útgjørd við tveimum FPT Cursor16 motorum, har hvør motorur hevur 750 hestakreftir. Tvíkiljan hevur eitt generatorsett, ið er 115kVA, sum er útgjørt við autostarti, so tað altíð er nóg mikið av megi á battaríunum. Takkað veri dygdargóðu útgerðini, so er tvíkiljan rúmlig, trygg og skynsom hjá manningini at arbeiða umborð á, har eisini sera nógv er gjørt burturúr góðum ljóðviðurskiftum.

Fyri KJ liggur ein serstakur stoltleiki í framleiðslu av tvíkiljum. Tað eru 25 ár síðani, at KJ framleiddi eina tvíkilju á fyrsta sinni. Tað var tvíkiljan Sneis, sum í 1999 var bygd og latin P/F Sjólaksi í Kollafirði. Sostatt hevur KJ bygd 65 tvíkiljur uppá 25 ár.

“Vit eru sera stolt av, at áhaldandi vera størsti veitari av tvíkiljum í Føroyum. Vit eru takksom fyri ta álit, ið vit hava fingið, ár eftir ár, frá okkara kundum og samstarvsfeløgum. Vit eru altíð klár at veita fleiri tvíkiljur, útgerð og vørur annars, til alheimsalivinnuna” sigur Viggo Johannesen, stjóri hjá KJ.

Lýsing
Seinastu tíðindini
Heilsu­tænastur­nar skulu nærri borgarunum
Faroe Pride 2024: ein fagnaður fyri ymis…
Suðuroyar­tunnilin er ein átrokandi nýski…
Viðmerkti á TV2 úr Klaksvík
Vit tippa: Ein varin ólavsøkurøða við en…
Amerikanska fólkaræðið á einum vegamóti
Her er skráin fyri Summar Festivalin
Nýtt reinsiverk Niðri í Gili
Herman Lindberg er farin, men ómetaliga…
Skúgvurin frá Einar´s Distillery - 5 ára…
Ólavsøkan byrjar í SMS
Ókeypis Familju­krókur hjá Føroya Pro Vit…
Stórfingin 20 ára jubileums­konsert
Ímóti Bodø/­Glimt vendu vit 0-3 til greið…
Havnarvág í 1874
Tríggir nýggir leikarar undir Mýruhjalla
Íslendsk skip velja MEST
Talvdystur á ólavsøku
Hornorkestrið á Skúlatrøð
Til minnist um Hugo Thomsen