Norðan fyri Lágtrýstið – tað er har sum vit liggja – fer ættin at skifta eitt sindur, úr landsynningi ella suðuri fyrrapartin í dag upp í norðan ella landnyrðing frá í kvøld og nakrar dagar fram. Í miðvikuni fer hann at mala av ymsum ættum og so aftur koma lágt við nakað lýggjari luft.

Men ættin er óstøðug, tí Føroyar fara at liggja á mótinum millum tað kaldara rákið norðaneftir og tað lýggjara sunnaneftir.   

Veðrið í vikuni – dag fyri dag:

Mánadagin:

Lítið lot av ymsum ættum, minni enn 5 m/s, samdrigið og ælaveður. Í kvøld og í nátt veksandi vindur norðan, upp í 3 til 8 m/s, samdrigið og yvirhøvur turt. Hitin 9 til 13 stig.

Týsdagin:

Lot til frískt lot norðan, 3 til 8 m/s, samdrigið og okkurt ælið. Í kvøld gongur hann niður í landnyrðing og veksur vindin upp í 5 til 10 m/s, samdrigið og regn ella ælaveður. Hitin 6 til 10 stig.  

Mikudagin:

5 til 10 m/s av landnyrðingi, samdrigið og regn ella ælaveður. Um kvøldið lítið lot sunnan, minni enn 5 m/s, smáskýggjað og yvirhøvur turt. Hitin 8 til 11 stig.   

Hósdagin:

Av ymsum ættum, minni enn 6 m/s, smáskýggjað og yvirhøvur turt. Um náttina 3 til 8 m/s norðan, samdrigið og regn ella ælaveður. Hitin 10 tl 15 stig.

Fríggjadagin:

3 til 8 m/s norðan, samdrigið og regn ella ælaveður. Sum líður á dagin minkandi vindur, og eitt sindur klárari og yvirhøvur turt. Hitin 6 til 10 stig.