Lýsing
Lýsing
Lýsing
Mynd: Oliver Joensen

Løgin og óheppin dagfesting til EB/Streym-KÍ

SKRIVAÐ: Jákup Ósá  |  08.06.2024 - 20:25 Ítrottur Tíðindi

Bæði í mun til flytingarvindeygað og hvíld.

Føroyar taptu 4-1 móti Estlandi í kvøld. Tað ger, at Føroyar spæla aftur týskvøldið 11. juni í Riga móti Lettlandi.

FSF hevur ásett, at dysturin EB/Streymur-KÍ sum einasti dystur komandi umfar liggur fríggjakvøldið 14. juni. Hinir dystirnir liggja 15. og 16. juni. Kanska er ein orsøk, at sundalagsstevna í Kollafirði er komandi vikuskiftið.

 


Flytingarvindeygað letur upp 15. juni

Flytingarvindeygað letur upp leygardagin 15. juni. Hetta ger, at EB/Streymur og KÍ ikki fáa brúkt nýggjar leikarar (KÍ hevur higartil tveir leikarar uppá pláss). Ein kann so siga, at tað ávirkar ikki so nógv hendan dystin, tí tað er líka fortreytir fyri bæði liðini. Men ímun til hini liðini, so fáa EB/Streymur og KÍ ein dyst færri til nýggju leikararnar. Tað merkir m.a., at til umfarið 23. og 24. juni hava hini liðini frammanundan havt ein dyst at samanspælt ella givið dystarvenjing til nýggjar leikarar, meðan tað verður fyrsti dystur, har tvey lið kunnu brúka sínar nýggju leikarar. Eisini í mun til altjóða dystirnar er tað óheppið fyri KÍ, at nýggir leikarar ikki fáa hetta umfarið við.

 


Tríggjar dagar hvíld

Nakað annað er, at tað eru tríggir dagar millum landsdystin 11. juni og landskappingardystin 14. juni. Ástøðin sigur, at leikarar ikki eru fult úthvíldir fyrr enn fýra dagar eftir dyst og hyggja vit aftur til undanfarnu ár, so hevur FSF serliga lagt dent á, at tá lið spæla uttanlands, har nógv ferðing blívur, so mugu liðini hava fýra dagar millum dystir. Og hyggja vit eftir, hvussu føroyska kappingin er løgd í ár higartil, so eru altíð minst fýra dagar millum dystir. Tað er orsøkin, at landskappingardystir blíva fluttir ímun til steypadystir. Fyri fulltíðaryrkisfeløg, sum hava nógvar fleiri dystir um árið, er ikki óvanligt at spæla, har tríggir dagar eru millum dystir, men fyri føroyingar er tað óvanligt. Tó kann tað verða neyðugt í summum førum t.d. tá lið koma langt í altjóða kappingum, har dystir liggja hvørja miðviku.

KÍ hevur fýra landsliðsleikarar, meðan EB/Streymur ongan hevur. Tað kundi rakt bæði liðini eins hart, um EB/Streymur hevði landsliðsleikarar, men í hesum føri rakar tað bara annað liðið.

Lýsing
Seinastu tíðindini
Hava skrivað undir sáttmála um liðugtger…
Nú eru dystirnir hjá KÍ móti Differdange…
Eg skilji ikki, at ungir menn ikki halda…
Vónin samtakið er í vøkstri
Burturkastkunngerðin er longur burtur nú…
Joan Kannuberg sett sum einalærari í Hús…
Tá Jøkul varð sjósettur
Greining: Útlendsku starvs­fólk­ini stóran…
Nýggj frímerki frá Posta í dag, 24. juni
Klaksvík­ingur fekk debut í bestu deildin…
Tað gráa gullið – nýti arbeiðsmeg­ina hjá…
Hvør er Joseph Michael Williams?
Málninga­framsýning við Elisabeth á Bakka…
KÍ er nú endaliga úti av FM-stríðnum
KÍ fingið styrk til álopspartin
Hetta var ikki okkara dagur - KÍ tapti 0…
18 mánaðir – har vit hava loyst hvønn da…
Upptakt: HB-KÍ
Seinastu sluppir­nar í Klaksvík fóru alla…
120 børn á Másheyggi