Lýsing
Lýsing
Lýsing
Mynd: Team Klaksvík

U9 til U12: Team Klaksvík millum tey bestu í landinum

SKRIVAÐ: Jákup Ósá  |  09.06.2024 - 10:15 Ítrottur Tíðindi

(Úr Norðlýsinum)

Team Klaksvík hevur lagt stóra orku í ungdómspartin síðstu árini, og tað sást, tá hugt verður eftir úrslitunum farna kappingarár.

Kappingarárið 2023/2024 bleiv ikki gott fyri hondbóltliðini í bestu deildunum úr Klaksvík. Árið fyri komu bæði í hálvfinalur, men hesaferð komu hvørki av liðunum í endaspæl í nakrari kapping. Stjørnan endaði nr. 7 av 8 liðum í landskappingini, meðan Team Klaksvík endaði nr. 7 av 7 í landskappingini.

Bæði liðini spentu seg annars út til kappingarárið við fleiri útlendskum leikarum ella leikarum aðrastaðni frá, men tað vísti seg ikki at rigga, og tá nakað var komið inn í kappingarnar, vóru fleiri av leikarunum, sum byrjaðu í feløgunum, farnir avstað aftur. Í báðum feløgum var eisini eitt venjaraskiftið mitt í kappingini.

Men í hondbóltsfeløgunum er eisini ein ungdómspartur, sum er týdningarmikil fyri framtíðina. Og har sær gott út hjá Team Klaksvík, um hugt verður eftir úrslitunum í teimum yngstu deildunum upp til og við U12. Tó skal havast í huga, at sjálv úrslitini altíð skulu takast við fyrivarni, tá tosað verður um ungdómshondbólt, men tey kunnu geva eina ábending.

 


David Henigman og Ivana Ilic á odda

Team Klaksvík hevur síðstu árini havt David Henigman, ið eisini er málverji á besta liðnum, og Ivanu Ilic, ið eru hjún og bæði úr Zagreb í Kroatia, sum ungdómsvenjarar. Og úr Team Klaksvík hevur man alment eisini í fleiri førum sagt, at felagið hevur verið sera væl nøgd við arbeiðið, sum venjararnir úr Kroatia hava gjørt í felagnum. Í 2022 byrjaði Team Klaksvík eitt samstarv við Stjørnuna fyri ungdómshondbólt, har hesi bæði komu at venja lið hjá báðum feløgunum.

 


Team Klaksvík nummar tvey frá U9-U12

Telja vit samanlagt úrslitini á hsf.fo fyri øll feløgini, so sæst, at Team Klaksvík hevur havt lið í øllum deildum frá U16 og niður saman við fimm øðrum feløgum. Og tað er frá U12 og niðureftir, at úrslitini hjá Team Klaksvík leypa í eyga. Tí í teimum trimum deildunum í U12, U10 og U9 (eingin U11 kapping er) liggur Team Klaksvík í topp 4 í øllum og í tveimum av kappingunum í topp 2. Tað er bara H71, sum akkurat er betri í samanløgdum úrslitum fyri hesar tríggjar deildirnar, men hesi bæði feløgini skara framúr í hesum deildum.

 


Úrslit dreingir

Talan er um endastøður fyri bestu liðini í feløgunum. Í fleiri deildum hava fleiri feløg fleiri lið við. Tí mangla tøl fyri nakrar av endastøðunum, men tá er talan altíð um lið, sum frammanundan eru enda hægri í sama felag. Í flestu deildum eru fleiri bólkar, men í yvirlitinum er alt gjørt til ’’ein’’ bólk.

Lýsing
Seinastu tíðindini
Hanus: Hornorkestrið var ikki í Gøtu í 1…
Virðisbrøv­ini munaðu væl hjá Búnaðargr…
Filmsfyritøka: Sjálvlærd á Youtube
Provoker­andi samrøða fekk meg uppfrá
Upptakt: NSÍ-KÍ
ROK.FO letur upp í Klaksvík
Páll Finnur Páll á Summar Festival
Samræ
Krøv í samband við bygging av íbúðum og…
Ársins fyrsta ferðamanna­skip til Klaksví…
Apríl 2025 – lýggjur og turrur
KÍ og NSÍ eru tey bæði royndastu liðini
Burðardyggur Gadus í tráð við ST-heimsmá…
Opin pallur fyri børn
Norð­havssildin flutt 800 km longur norð…
Almenn móttøka í Blákrossbúð­ini í Klaksv…
Eyðun Jacobsen við nýggjari fløgu og gey…
Gadus: Alt í land og alt til matna
Heimleysa músin
Í Skotlandi stuðla myndugleikar­nir alivi…