- Eg havi altíð fylgt væl við, serliga til endaspøl, og kenni eitt veruligt tilknýti til de danske drenge! Mín stóra fyrimynd á danska landsliðnum ígjøgnum árini hevur avgjørt verið Dennis Rommedahl. Teir venjarnir, sum eg hevði upp ígjøgnum árini hildu, at eg líktist honum í spælistíli.

Men eg havi eisini eitt tilknýtið til Kasper Dolberg, ið eg møtti, tá ið eg fór forlovilsisørindir í Danmark at keypa giftiring til Eyðgerð. Tá ið eg kom inn í handilin møtti eg Dolberg. Vit fullu í prát og tað endaði faktiskt við, at vit keyptu akkurát líka ringar til okkara gimsteinar.

Klokkan 20 í kvøld skal slagið standa, tá ið Danmark møtir Týsklandi. Jón er greiður í sínari talu, og hóast hann sær týskarar sum eitt gott lið - og hann er búsitandi uppi á Hædd, so hevur Danmark avrikað somikið væl til hetta EM, at teir kunnu hava góðar vónir ímóti týskarum.

- Týskland hevur bert Toni Kroos sum hevði við vissu komið inn á danska landsliðið, tí síggi eg fyri mær, at um vit klára at steðga Toni frá at diktera spælið, so klára vit at spæla okkum víðari í kappingini.

Spurdur um, hvør danskur leikari er mest umráðandi til dystin í kvøld, er Jón avgjørdur - LIÐIÐ er tað sum drívur verkið. Eingin keta er sterkari enn veikasta liðið. Bólturin er rundur, 11 ímóti 11, einki er avgjørt áðrenn fyrsta bríksl og Danmark fer at vinna! Vi er røøøøde, vi er hviiiide!

Vit ynskja Jón ein góðan dyst, og vóna at dagurin fer at vera góður fyri hann og tað danska landsliðið.