Norðlýsið nú á Stoksoyra
Í samband við eigaraskifti av Norðlýsinum herfyri, er redaktiónin flutt út á Stoksoyraveg 3
Norðlýsið hevur hildið til ymsastaðni í býnum gjøgnum árini og ofta í kjallarinum hjá eigaranum. Soleiðis verður eisini framyvir.
Norðlýsið heldur nú til á Stoksoyravegi 3 og tey sum eru komin nakað til árs, munnu minnast at hava verið inni og keypt blómur og kransar frá Eivildu og Hans Lützen, gartnara.
Men framyvir verða tað telduskíggjar, knappaborð og hvassi pennurin, sum fara at fylla hølini.
Fólk eru altíð vælkomin á gátt, at fáa eitt gott prát afturvið einum góðum kaffimunni. Og annars at seta seg í samband við okkum, at geva okkum praj, um ymiskt áhugavert sum fyriferst nær sum fjar.
Vit fara at hava eina móttøku eftir summarferiuna, meira verður at frætta um hetta seinni.