Hann hevur ligið eystaneftir í morgun, ikki nógvur vindur, lot til frískt lot, 3 til 8 m/s, samdrigið og ælaveður. Út á seinnapartin fer vindurin at minka niður í eitt lítið lot, minni enn 5 m/s, og hann fer at mala úr ymsum ættum. Skýloftið enn samdrigið, men tað fer at vera langt millum ælini.

Í kvøld finnur hann ættina í útnyrðingi, og vindurin fer sum frá líður at veksa upp í eitt lot til frískt lot, 3 til 8 m/s. Seint í kvøld og ella beint eftir midnátt fer styttast millum ælini. Hitin í dag fer upp í 13 stig um dagin; niður í 8 stig í nátt.

Fram ímóti morgni fer vindurin at minka niður í eitt lítið lot, minni enn 5 m/s, skýloftið verður skiftandi og tað verður yvirhøvur turt. Út á fyrrapartin gongur hann niður í vestan, og soleiðis verður veðrið restina av degnum í morgin. Hitin í morgin fer upp í 14 stig um dagin; niður í 9 stig um náttina.

Sunnunáttina fer ættin niður í útsynning, sama vindferð, eitt lítið lot, minni enn 5 m/s, skiftandi skýloft og bert okkurt ælið. Út á dagin lækkar hann niður í sunnan, og um kvøld fer hann í landsynning. Allan sunnudagin skiftandi skýloft og okkurt ælið her og har, men seint um kvøldið samdrigið og regn. Hitin í ovurmorgin fer upp í 14 stig; niður í 9 stig um náttina.