Í nátt er lágtrýstøkið farið eitt sindur eystureftir, og ein hátrýstryggur við lítlum vindi av ymsum ættum leggur seg yvir Føroyar. Kanska er okkurt ælið uppií, men ikki tað nógva. Sunnudagin fer hátrýstryggurin eystureftir, og lágtrýst úr Norðuratlantshavi við vindi og regni sleppa framat her hjár okkum, og tað verður nakað væl lýggjari.   

Men nokk um tað hesaferð – niðanfyri er veðrið um vikiskiftið:

Fríski vindurin vit hava havt higartil í dag norðaneftir ella av útnyrðingi heldur fram í kvøld og í nátt – vindferðin 8 til 13 m/s – skýloftið skiftandi og okkurt ælið, í støðum við kava ella vátaslettingi. Hitin millum 3 til 6 stig; í nátt niður í 1 stig onkrastaðni.

Í morgin ári er hann enn útnyrðingur, 3 til 8 m/s, men sum frá líður eitt lítið lot av ymsum ættum, minni enn 5 m/s. Loftið er skýggjað, og okkurt ælið kann væntast, tó sum frá líður sólglottar. Hitin 3 til 7 stig.

Fyrst 5 til 13 m/s av landsynningi, 5 til 13 m/s, samdrigið og regn, men seinni fer ættin í útsynning, skýggjað og ælaveður. Hitin millum 5 og 10 stig.

Gott vikuskifti.