Tað fer at  regna alt vikuskiftið. Ættin fer at liggja av landnyrðingi alt vikuskiftið. Vindferðin verður ikki støðug, men fer at skifta eitt sindur.

Men nokk um tað hesaferð – niðanfyri er veðrið um vikiskiftið:

Seinnapartin er vindurin vaksin upp í 5 til 10 m/s av eystri. Tað er samdrigið og regn. Seinni í kvøld fer vindferðin upp í 8 til 13 m/s, og í nátt fer hann upp í landnyrðing. Sunnanfjørðs fer vindurin at minka niður í 5 m/s ella minni. Hitin í dag upp í 10 stig.

Fyrrapartin í morgin veksur vindurin upp í 10 til 15 m/s – enn av landnyrðingi – tó eitt sindur minni sunnanfjørðs, men so við og við er líka nógvur vindur kring alt landið. Seinnapartin veksur vindurin upp í 13 til 18 m/s. Allan morgin samdrigið og regn. Hitin í morgin 5 til 10 stig.

Sunnudagin 13 til 18 m/s – framvegis landnyrðingur. Stundum 20 m/s. Allan dagin samdrigið og regn. Hitin 4 til 9 stig.

Gott vikuskifti.