Klaksvíkar býráð hevur kallað inn til eykabýráðsfund í annaðkvøld. Á skránni eru ymisk mál, m.a Skipan av øki 14 í miðbýnum, og tað er hetta mál sum fær stjóran á Föroya Bjór upp úr stólinum.

Vit lesa júst nú at eykabýráðsfundur í annaðkvøld m.a. umfatar at hotelli kann vísa til eitt stórt parkeingspláss frammanfyri Föroya Bjór. Hetta er fyrsta stig at reka Föroya Bjór úr býnum, her vit hava verið í 136 ár, sigur Einar Waag

Tað verður ikki nevnt, at Föroya Bjór eigur minst 600 m2, sum ikki vera staðsettir, men umrøddir sum leiguøki. Fyri mánaða síðan var á fundi við Klaksvíkar kommunu avgjørt, at tað var lættari at Föroya Bjór bara leigaði alt økið, sigur Einar.

Og Einar Waag stendur spyrjandi í mun til ætlaða parkeringshúsið.

Hvar er parkeringshúsið í øllum hesum? Osbjørn og Skorheim hava eitt parkeringshús í heildarprojektinum har Föroya Bjór skuldi eiga kjallarin móti gjaldi av fundamentum, sigur Einar Waag at enda við Norðlýsið.

Býráðsfundurin verður í annaðkvøld og byrjar kl. 17.30.