Olaf Bárðarson legði Føroyar á odda 1-0 uppá beinleiðis hornaspark, og tað gjørdi, at Føroyar høvdu eitt úrslit at spæla uppá líka til 86 minuttir vóru leiktir.

Í hálvleikinum var støðan 1-1. Føroyingar vardu væl í seinna hálvleiki og langt var millum stóru møguleikarnar, men trýstið frá sterka U21-liðnum hjá Portugal var áhaldandi. Tá 86 minuttir vóru leiktir, so kom Portugal á odda, har føroyingar helst eru ónøgdir um, at talan var um hornasparksinnlegg, sum fann leysan leikara, sum stýrdi bóltinum í málið. Løtu seinni avgjørdfi Portugal við máli til 3-1.

Samanlagt eitt gott føroyskt avrik móti sera sterkari mótstøðu, men sum so ofta, tá føroysk lið møta sterkari mótstøðu, so gleppir tað síðstu løtuna av dystum, tá flest mál eisini koma í fótbólti.