Tað gongur væl, tá ið hugsað verður um arbeiðið norðanfyri. Vit hava ein sterkan vinnubý við nógvum ymiskum og fjølbroyttum yrkjum. Fiskiveiða, framleiðsluvinna og heilsa- og almannaverk eru stórstu arbeiðsgevandi aktørarnir, gera vit nakað fyri at menna og styrkja hesi yrki?

Eg hoyri nærum ongan siga, at vit eiga at menna okkara maritima økið innan útbúgving, við ráðstevnum, vitjanardepil (visitorcenter) o.l. Hyggja vit hyggja at okkara grannaland Noregi, hava tey brúkt nógva orku at menna og varðveita tað maritimu hugsjónina.

Polaria (www.polaria.no) í Tromsø er bæði savnan, gransking og miðlan av maritimari vitan, hetta áttu vit eisini at gjørt, soleiðis at vit menna og varðveita okkarar maritimu vitan og kunnan.

Vit eiga eisini at menna, útbyggja og nýhugsa tað komunalu skipanina, ið húsar bæði barna-, undóms- og eldraøki, tað er okkara skylda at tryggja ein góðan og tryggan bý til okkara komandi ættarlið. Harumframt skapa góðar karmar um vinnuna, ið veruliga gevur kommununi nógv gott. Tit kunnu ímynda tykkum, hvussu lítið virknan og mentarnaliga “fátækan” barna- og ungdóm vit fáa, um vit ikki varðveita tann virkna vinnubýin, ið vit hava.   

Mangir løkir smáir gera stórar áir! Við hesum vil eg siga, at vit mugu byrja eitt stað og vera samd um, at vit flyta Klaksvíkina trygt fram til 2040 við eini virknari kommunuætlan.  

X við E 

Annika Maisonsdóttir Mellemgaard, Tjóðveldi