Tað eru mangar leysasøgur um veðrið og hvussu tað broytist, og tí eisini ymiskar fatanir av, hvat veðurlagsbryotingar og upphitan av jørðini er.

Sama er við vísindaligum støði, avleiðingum og neyðugum atlitum til, hvussu tú fyriheldur teg til fylgjurnar av veðurlagsbroytingunum.

Jesper Theilgaard hevur granskað og sagt frá veðrinum í meir enn 40 ár, har hann eisini í nógv ár var hjá DR sum veðurmaður á TV-avísini.

Seinnu árini hevur hann verið at sæð víða um á altjóða pallum sum ein virdur og hámettur veðurlagsgranskari og fyrilestrarhaldari á stórum altjóða veðurlagsráðstevnum.

Hansara aðal boðskapur er, at nú má nakað henda við okkara atburði, so veðurlagsbroytingarnar ikki fremja meira ruðulleika, enn tær longu hava gjørt.

Jesper fjalir ikki fyri, at hann heldur seg til vísindaligu ástøðini, so sum tey eru lýst í veðurlagsálitinum, IPCC – hjá ST. 

Veðurlagið í broyting

Kendi veðurmaðurin á DR, Jesper Theilgaard, sum nú í nøkur ár hevur hevt sína egnu veðurlagsskrivstovu, Klimaformidling, var á Torradøgunum í 2016, har hann spáddi, at vit fóru at fáa meira vind og meira avfall – regn og kava.

Eisini dirigeraði hann 17 Sangarum á hesi vitjanini, tí hansara stóra frítíðarítriv er sangur.

Tað eru fleiri tekin í sól og mána, at hann tíverri fekk rætt. Hesum fer hann at hugleiða nakað um og so serliga líta inn í framtíðar veðurkúluna.

Veðurlagið er í broytingum – ikki bert í ávísum støðum, men um allan heimin. Hetta kemst av broytingum í orkujavnvágini í atmosferuni kring jørðina.

- Tó at hetta kann ljóða fløkt og torskilt, so er hetta í veruleikanum rættiliga einkult, og hesum fer Jesper Theilgaard at greiða neyvari frá í fyrilestri sínum.

- Broytingar í vindskipanunum í atmosferuni – ikki minst í jettstreymunum, ávirkar veðrið í Føroyum. Men serliga hitalagið í sjónum og broytingar í stóru havstreymunum hava stórt árin á veðurlagið í og við Føroyar, sigur Jesper Theilgaard.

“Hvussu verður verðið”? er høvuðs yvirskriftin, sum Jesper Theilgaard fer at greiða frá í Varpinum mánakvøldið í Torravikuni 17. februar kl. 19.30 – Har kanst tú eisini seta honum spurningar og koma við tínum viðmerkingum um veðrið.