Ein teirra er 17 metra langi skjóttgangandi báturin Sundt Flyer, ið hevur støð í Svolvær í norður-Noregi. Trý fólk eru fast knýtt at bátinum.

Ein av manningini er Bjarni Hentze av Argjum. Bjarni er maskinstjóri og kavari umborð. Uppgávurnar hjá maskinstjóranum og kavarinum eru m.a. at halda bátin í fullgóðum standi og harumframt, at kava undir bátar og skip at loysa ymiskar uppgávur. Serliga er talan um at skera tovverk og gørn av skrúvum ella at sýna og gera ábøtur, tá skip og bátar hava fingið skaða.

Á myndunum síggja vit Bjarna rokast í sjónum og á dekkinum á Sundt Flyer. Tað eru fleiri føroyingar í starvi hjá Norsku Sjóbjargingartænastuni.