Tríggir næmingar úr 10. flokki á Skúlatrøð hava seinastu tvær vikurnar verið í starvsvenjing á Klaksvíkar Sleipistøð. Næmingarnir, tvær gentur og ein drongur, Omi Joensen, Elsebet Olsen og Gunnar Syderbø, hava fingið innlit í fjølbroyttu uppgávurnar í einari smiðju.

"Vit eru sera fegin um, at fleiri ung vísa áhuga, og tað er jaligt, at gentur eisini velja KSS" sigur formaður á KSS.

Næmingarnir hava arbeitt við nógvum ymiskum uppgávum. Tey hava sveisað, verið við til ymisk arbeiði umborð á skipum og mangt annað, og eru tey sloppin at uppliva gerandisdagin á KSS.

"Serliga sveisiarbeiðið hevur verið stuttligt," sigur ein av starvsnæmingunum. "Tað er sera áhugavert at síggja, hvussu alt virkar í praksis.”

Tey hava ikki bara sitið og hugt - tey hava fingið loyvi at royna seg. Við góðari vegleiðing frá royndum starvsfólkum, hava tey luttikið í arbeiðinum, og hevur hetta verið ein lærurík uppliving.

At síggja gentur velja handverkarayrkið er eitt frískligt lot.

Við slíkum starvsvenjingum fáa tey ungu roynt, um hendan starvsleiðin kundi verið nakað fyri tey. Og hvør veit - kanska hava tey á KSS júst møtt nøkrum av sínum komandi lærlingum.