Í kvøld vitja meistararnir í Klaksvík.

KÍ hevur fult stigatal undan dystinum, meðan Víkingur bara hevur tvey stig fyrstu fýra umførini. Víkingur hevur fótað sær og sendi oddaliðið NSÍ úr kappingini um løgmanssteypið fyri nøkrum døgum síðani.

Hjá KÍ kemur tað illa við, at lyklaleikarin, Árni Frederiksberg, hevur leikbann. Hann hevur ikki mist nógvar dystir síðani hann kom til KÍ í 2021. Claes Kronberg er skaddur, meðan ivamál er um Deni Pavlovic, Hall Hansson, Mads Boe Mikkelsen, Robert Williams og René S. Joensen. Bara Hallur byrjaði inni seinast av teimum og hann fór út við snuddum móti endanum. Hjá Víkingi er Bergur Gregersen skaddur, meðan Olaf Bárðarson hevur leikbann. Seinast vóru Arnbjørn Svensson og Ari Olsen uttanfyri við skaðum.

Dysturin í Klaksvík byrjar kl. 19.00. Dómari verður Dagfinn Forná.