Seinna part av vikuni grynnist lágtrýstið og fer sum frálíður burtur. Men eitt annað lágtrýst fer at dýpast yvur bretsku oyggjunum, og tað tað fer at draga kalda luft til sín norðaneftir. Hetta kalda lotið fer fram við Føroyum á vegnum suðureftir, og hitalagið fer væntandi niður ímóti frostmarkinum.

Veðrið í vikuni – dag fyri dag:

Mánadagin:

Frískt lot til frískan vind millum landsynning og útsynning, 5 til 10 m/s. Um morgunin samdrigið og regn, í støðum við vátakava, men seinnapartin slítur hann í, og tað verður smá- ella hálvskýggjað. Út á kvøldið dregur hann aftur á luftina, og sum frálíður er regn ella ælaveður, í støðum vátakavi. Um náttina vindurin upp í frískan vind ella strúk av landsynningi, 8 til 13 m/s, framvegis regn ella ælaveður. Hitin 3 til 8 stig.

Týsdagin:

Frískt lot til frískan vind av landsynningi, 5 til 10 m/s, samdrigið og ælaveður, í støðum vátakavi. Um kvøldið og um náttina lítið lot um sunnan, minni enn 5 m/s, smá- ella hálvskýggjað og yvirhøvur turt. Hitin 3 til 8 stig.

Mikudagin:

Lítið lot av ymsum ættum, minni enn 5 m/s. Um dagin smáskýggjað og yvirhøvur turt. Út á kvøldið dregur hann á luftina, men framvegis yvirhøvur turt. Hitin 4 til 9 stig.

Hósdagin:

Frískt lot til frískan vind um útnyrðing, 5 til 10 m/s, skýggjað men yvirhøvur turt. Hitin 3 til 7 stig.

Fríggjadagin:

Frískt lot til frískan vind um útnyrðing, 5 til 10 m/s, skýggjað og okkurt ælið. Hitin 2 til 7 stig.