KÍ fær vitjan av AB, sum liggur á 3. plássi í 1.deild. AB hevur bara tapt ein dyst í ár og í kappingini um løgmanssteypið hevur AB longu sent FC Suðuroy og EB/Streym út úr kappingini.

Hjá KÍ hava sjúka og skaðar rakt hópin síðstu vikuna og m.a. tí hevur KÍ bara havt eina venjing síðani HB-dystin. Claes Kronberg er framvegis skaddur, meðan Sebastian John, Páll A. Klettskarð og René S. Joensen allir eru ivasamir vegna skaðar.

Dysturin byrjar kl. 18.30. Dómari verður Rani A. Skaalum.