Air France-KLM ætlar at økja sín part í SAS úr 19,9 prosentum upp í 60,5 prosent.
Hetta boðar flogfelagið frá í einari fráboðan. Europeiska flogfelagssamtakið ætlar at keypa partabrøvini hjá Castlelake og Lind Invest í SAS. Danska stjórnin eigur eisini ein part í SAS. Fyri at fáa allar neyðugar góðkenningar, miðar Air France-KLM eftir at hava keypt partabrøvini í seinna hálvári av 2026. Danska stjórnin fer at varðveita sín part á 26,4 prosent. Hon fer eisini at varðveita sínar sessir í nevndini, meðan Air France-KLM fer at hava meirilutan í nevndini.

Keypið kom fyrr enn væntað eftir ta dramatisku umskipanina og vísir, at SAS eftir nógv trupul ár er í betri støðu enn væntað. Keypsavtalan er tengd at inntøkuni hjá felagnum, og at fransk-hollendska felagið hevur valt at skunda sær, kann bert síggjast sum tekin um, at SAS aftur hevur fingið vinning. SAS er størsta flogfelagið í Kastrup Floghavn, og fer hetta at ávirka flogvøllin og allan býin. Eisini fer tað at styrkja SAS, at kappingarmyndugleikarnir væntast at krevja, at Air France-KLM selur flogtíðir (sonevndu ”slots”) í Schiphol-floghavnini.

Kelda og víðari lesnaður: TV2