Lýsing
Lýsing
Lýsing

Betesdakórið og felags nátturði 2. hvítusunnudag

SKRIVAÐ: Betesda  |  09.06.2025 - 07:59 Tíðindi

Endabresturin á samfelagsmøtunum í Badmintonhøllini í Klaksvík verður 2. hvítusunnudag, har Betesdakórið syngur á møtinum kl. 16, síðan verður stórur felags nátturði, og so endar stevnan við møtinum kl. 19. Samstundis verður KÍ-høllin opin til børnini at hugna sær í.

Nógv fólk hava verið til samfelagsmøtini í Klaksvík higartil á hvítusunnu. Eitt nú vóru umleið 1000 fólk á møti í Badmintonhøllini hvítusunnukøld.

Á skránni fyri 2. hvítusunnudag eru hesi møti og tiltøk – øll í Badmintonhøllini:

Kl. 11:00 verður eitt søguligt afturlit við Jógvani á Lakjuni, sum fer at greiða frá um abba sín, Victor Danielsen og hansara lív og tænastu sum fulltíðar trúboðari innan brøðrasamkomurnar.

Kl. 16:00 verður uppbyggingarmøti, har Jens Bech og Høgni Johannesen fara at tala, og Betesdakórið syngur.

Kl. 19:00 verður evangeliskt møti, har Betesdakórið framvegis luttekur við sínum vakra sangi, og har Petur á Roykheyggi og Jákup Eli Østerø tala, og Hallur Joensen og Anja Nielsen fara at hava vitnisburðar.

Øll eru hjartaliga vælkomin – bæði børn, ung, tilkomin og eldri – og barnafamiljurnar skulu ikki halda seg aftur, tí meðan møtini verða í Badmintonhøllini kl. 16 og kl. 19, kunnu børnini spæla og hugna sær í KÍ-høllini.

Á øllum møtunum verður tulkað til enskt, og øll møtini verða somuleiðis stroymd og send beinleiðis á hesum rásum: *Starabúrið, *SJEY kristiligt kringvarp og *EvR (Evangeliska Røddin). Slóðirnar eru allar at finna á betesda.fo.

Lýsing
Seinastu tíðindini
Hallur væntar at spæla í Finnlandi
Air France-KLM fer eftir meiriluta­num í…
Team Klaksvík hevur sett nýggjan høvuðsv…
Myndarøð: KÍ vann í Sarpugerði í dag
Daniel Johansen skeyt KÍ enn nærri FM 20…
NATO tinglimir á vitjan í Føroyum
Talgildar viðtalur og nýggj átøk á Suður…
U21 hetjurnar í KÍ blusuna
Kúlubøka á Kaldbaksfirði
Annað bind av "Færøsk Litteraturs Histor…
Tøkk – Ella Mørkøre
Erik Biskopstø vitjar Norðlýsið
Útróðurin í dag
Kular Røtur hava 25 ára show á Vágsbø
Unglingar lupu á sjógv
Fráferðartiltak til Oyggja­leikir 2025
Upptakt: Víkingur-KÍ
Heimsstjørna prísar flyglinum í Varpinum
U21 hetjurnar vitjaði Duritu og Fríðin
Fyrrver­andi blaðstjóri vitjaði Norðlýsið