Í kvøld klokkan átta, loysti Norðsøki av keiini í Klaksvík, kósin varð sett á Íslandsmiðini. Vit fingu eina mynd av Norðsøka á veg norður ígjøgnum Kalsoyarfjørð. Heri Vang, skipari sigur, at teir eru fimm mans við skipinum, teir eru umframt skiparan, Hallur Joensen, Símun Pauli Fuglø Sivertsen, Jákop Andrias Ritter og so sjálvur 71 ára gamli reiðarin, kokkurin og stýrimaðurin, Eyðólvur Vang, sum er pápi skiparans. Víðari sigur Heri, at teir rokna við at brúka ímillum 28 og 32 tímar um túrin vestur um hav um alt gongst sum ætlað. Snellan er fiskiamboðið og fiskaslagið verður helst meginparturin upsi og kanska nakað av toski. Upp á fyrispurning um, hvussu leingi ein slíkur fiskitúrur vanliga er, sigur Heri, at gongur heilt væl, so fiska vit í 8 dagar, longsti túrurin vit hava gjørt er einar 14 dagar, so vit fáa at síggja, fiskileiðin er við Suður Eysturlandið.

Vit ynskja Norðsøka ein góðan túr.