Í komandi viku fara tey trý at framføra klassisk verk í Glyvra Kirkju og í Hoyvíkar Kirkju.

Organisturin Ari Hammer Joensen hevur í longri tíð verið fastur organistur í Vesturkirkjuni, og er nú undir útbúgving á Kongaliga Konservatoriinum í Keypmannahavn. Hann hevur vunnið fyrstu virðisløn í kappingini Stella Polaris í bólkinum fyri ung millum 14 og 18 ár. Í fjør vann hann aðru virðisløn í Rued Langgaard kappingini í Keypmannahavn, umframt at gávugóðs úr Grunni Thorvalds Poulsen av Steinum varð latið honum.

Floytuleikarin Kamilla Ravnsfjall er útbúgvin á University of Glasgow. Hon hevur spælt við í Føroya Symfoniorkestri, framført nógv saman við Spælimonnum og við bólkinum Yggdrasil.

Operasangarin Birita Adela hevur lært klassiskan sang á Vocal Arts í Nürnberg, umframt á Accademia Europea di Firenze. Hon er annar av stigtakarunum til Opera.fo, og hevur nýliga skrivað og leikstjórnað pixi-operurnar “Hevur tú sæð Carmen?” og “Gandafloytan”. 

Hvør sær og í felag fara tey at framføra eina spennandi konsertskrá, við kendum verkum eftir fronsku tónaskøldini L. Delibes, L. Boëllemann og J. Alain, umframt eftir W.A. Mozart.

Kirkjukonsertirnar eru almennar og ókeypis. 

• Glyvra kirkja, mikukvøldið 25. juni kl. 19:00
• Hoyvíkar kirkja, fríggjadagin 27. juni kl. 19:00