
Betri Trygging flytir í egin hølir
Vit hava keypt húsini á Nólsoyar Pálsgøtu 9 og orsøkirnar eru tvinnar - Okkara kundar í Norðoyggjum kunnu nú fáa nøktandi endurhýsing, umframt at karmarnir til okkara starvsfólk gerast betri, sigur Ingunn Eiriksdóttir stjóri í Betri Trygging
Betri Trygging fer framyvir at halda til á Nólsoyar Pálsgøtu 9.
Vit hava keypt húsini á Nólsoyar Pálsgøtu 9, vit yvirtaka tey í august og ætlanin er at skrivstova okkara letur upp í niðaru hæddini í heyst, upplýsir Ingunn Eiriksdóttir.
Á ovaru hæddini er ein góð íbúð, sum vit kunnu bjóða kundum okkara, nú vit hava fingið endurhýsingarmøguleikar, sigur Ingunn.
Vit hava verið saman við bankanum, tað hevur verið nakað trongt hjá báðum og nú vit fingu møguleikan halda vit at hetta er ein skilagóð loysn - hetta kemur kundum okkara her norðuri til góðar, sigur Ingunn Eiriksdóttir við Norðlýsið