Vinarbýarsamstarvi millum Klaksvík og Taiji fyllir nógv í Japan
- Faktisk hevur hetta vinabýarsamstarvi verið nevnt á øllum politisku fundunum, sigur Sirið Stenberg uttanríkisráðharrafrú, sum vitjar í Osaka í hesum døgum
Klaksvík og Taiji gjørdust vinarbýir í 2018. Tað var táverandi borgarstjóri, Jógvan Skorheim, ið undirskrivaði vinarbýarsáttmálan vegna Klaksvíkar kommunu.
Føroyar luttaka á á Expo 2025 í Osaka í Japan í hesum døgum. Føroyar vóru í miðdeplinum í norðurlendska skálanum á heimsframsýningini í Osaka í gjár, tá Landsstýriskvinnan í uttanríkis- og vinnumálum, Sirið Stenberg, setti dagin.
Sirið Stenberg sigur við Norðlýsið at allastaðni hon kemur verður Klaksvík tikið fram, vinarbýarsamstarvi millum Taiji og Klaksvík.
- Nokk so stuttligt haldi eg. Tey tóku tað eisini fram sum ein máta at styrkja samstarvi millum londini. Serliga var áhugi fyri fiskivinnuøkinum og grind/hvalaveiði, sigur Sirið Stenberg við Norðlýsið
Jógvan Skorheim og Kazutaka Sangen, borgarstjórar í ávíkavist Klaksvík og Taiji, skrivað her undir vinarbýaravtalu millum kommunurnar báðar