Í morgun lá 30 fótarin Borgin og landaði til NFCS. Mortan Egholm rør einsamallur út og hann fekk góð 200 pund leygardagin á snellu. 

Men hann fekk eisini annan og størri fong leygardagin, tí tað var Mortan sum fann stóru grindina, ið legði beinini í Fuglafirði leygardagin. 

- Eg fann grindina norður úr Kallinum og síðani rak eg hana nakað inn, men síðani kavaði hon. Ein annar bátur fann hana aftur og tískil vóru tveir finningarbátar hesaferð. Eg fekk 16 skinn, men av ymsum orsøkum lá tað ikki fyri hjá mær at taka grindina upp. Onkur hevur helst fingið teir góðu bitarnar og tað gleðist eg um, sigur Mortan Egholm við Norðlýsið í morgun.