So er tað leygardagin kl. 15.00 á Djúpumýru, at okkara kvinnur leika seinasta og avgerandi dystin í ár móti NSÍ.

Okkara kvinnur hava havt eitt gott kappingarár. Liðið er samansett av ungum og royndum leikarum, sum við góðum striðsvilja og samanhaldi hava lyft liðið til har tær liggja í dag. Nú er týdningarmikil dystur fyri framman, og vit mugu tora at fara eftir sigrinum - við at trúgva, stríðast og tora.

Skal NSÍ yvirhála KÍ og vinna meistaraheitið, skulu tær vinna við minst sjey málum fleiri enn okkara kvinnur. Tað merkir, at vit kunnu vænta okkum eitt NSÍ-lið, sum frá fyrsta bríksli fer at trýsta hart og spæla álopssinnaðan fótbólt fyri at røkka hesum máli.

Vit vita, at NSÍ vil enda kappingarárið við góðum avriki – serliga nú tað eisini er greitt, at venjarin Allan Dybczak gevst eftir kappingarenda. Men okkara kvinnur hava víst styrki, samanhald og dygdir alt árið – og hava allar fortreytir at seta punktum við einum rimmar avriki á heimavølli.

Liðini hava leikt fýra dystir í ár. Okkara kvinnur hava vunnið 2 dystir, ein endaði við javnleiki og NSÍ hevur vunnið ein dyst.

Tað hevur ongantíð verið so týdningarmikið sum nú at vísa okkara kvinnum stuðul. Vit vóna at síggja nógvar bláar áskoðarar á Djúpumýru leygardagin – saman kunnu vit lyfta okkara kvinnur tað seinasta strekkið móti enn einum meistaraheiti!

KOYR Á KÍ!