KÍ hevur 21 sáttmálar og væntast at gera tríggjar afturat. Av hesum 21 eru 18 útileikarar. Og meðan málverjarnir, har eisini hørð kapping er um plássið, hava vant fult allar venjingarnar, so hevði KÍ mangan ikki megnað at mannað lið, um vit telja útileikarar við sáttmálum. Í nógvum førum eru tað skaðar sum gera um seg og sum komu í fjør. Av teimum 18 útileikarunum við sáttmálum eru tað áleið seks leikarar, sum hava fullført allar venjingarnar síðani 5. januar.

Magnus Powell, høvuðsvenjari, sigur tó við Norðlýsið, at arbeitt verður við at fáa leikararnar klárar og at hjá ongum leikara er støðan so hættislig, at fyrsta umfar 8. mars er í vanda.

KÍ royndi í 2024 eitt ár, har tað alla fyrru hálvu vóru sera nógvir skaðar. Í summum tíðarskeiðum vóru minst 10 skaðar. Søguliga sæð plagar at verða sagt, at hóparnir byrja nærum fullmannaðir til fyrstu venjingarnar í januar, men so plagar at minka burturav gjøgnum tær ofta hørðu venjingarnar í januar og februar.